پرۆژەكان

وەزیری شارەوانی و گەشتوگوزار لە سەردانێكی مەیدانیدا بەدواداچوونی بۆ كێشەی ئاو و پێوەرى ماڵان و تۆڕەكان كرد

وەزیری شارەوانی و گەشتوگوزار لە سەردانێكی مەیدانیدا بەدواداچوونی بۆ كێشەی ئاو و پێوەرى ماڵان و تۆڕەكان كرد

كاتژمێر 8:30 خولەكی بەیانی ئەمڕۆ پێنجشەممە 24ی ئۆكتۆبەری 2019 بە مەبەستی بەدواداچوون و چارەسەركردنی كێشه‌كان و دابینكردنی ئاو و نوێكردنه‌وه‌ی تۆڕەكان، پێوەری ئاوی ماڵان و گوێگرتن لە كێشە و گرفتی هاووڵاتییان، بەڕێز ساسان عەونی وەزیری شارەوانی و گەشتوگوزاری حكوومەتی هەرێمی كوردستان سەردانی بەڕێوەبەرایەتیی ئاوی هەولێری كرد و لەگەڵ بەڕێوەبەری ئاو و فەرمانبەرانی بەڕێوەبەرایەتییەكە كۆبۆوە و بە وردی بەدواداچوونی بۆ كێشەكانی ئاو و نوێكردنەوەی تۆڕەكان و كێشەی پێوەری ئاو و هاتنەوەی پارەی زیادە بۆ هاووڵاتییان، كرد.

هەر لە میانەی سەردانە مەیدانییەكەیدا راستەوخۆ سەردانی ئەو بەش و ژوورانەی كرد پەیوەندیدارن بە داواكاری و مامەڵەی هاووڵاتییان و لە نزیكەوە گوێشی بۆ هاووڵاتییان گرت و كێشەكانی بە هەند وەرگرتن، بە تایبەتی ئەو هاووڵاتییانەی كێشەی پێوەری ئاویان هەبوو، بەڵێنی چارەسەركردنی پێدان، له‌ لایه‌ن به‌ڕێوه‌به‌رایه‌تی و فه‌رمانگه‌ به‌رپرسه‌كانه‌وه‌. لە لایەكی دیكەوە ئەو كێشانەی تاوتوێ كرد كە بەهۆی پێوەری ئاوەوە دروست بوونە بە جۆرێك هاووڵاتییان زیان نەكەن.

بەڕێز ساسان عەونی وەزیری شارەوانی و گەشتوگوزار سەردانی تەواوی بەش و ژوورەكانی بەڕێوەبەرایەتییەكەشی كرد و داوای لە فەرانبەران كرد بە هەموو شێوەیەك خزمەتی هاووڵاتییان بكەن، هەروەها تۆڕەكانی ئاو لە گەڕەكەكان و دابینكردنی كلۆر و شەب بۆ بیرەكان تاوتوێ كران.